Susral

ا ردو کے نامور مزاح نگار شوکت تھانوی کا شمار ان ادیبوں میں ہوتا ہے جنہوں نے بیک وقت اردو ادب کی بہت سی اصناف میں خدمات سر انجام دیں۔ انہیں کثیر الجہات شخصیت کہا جائے تو غلط نہ ہو گاکیونکہ وہ صحافی بھی تھے اور مضمون نگار بھی، کالم نگاری میں بھی اپنا الگ مقام رکھتے تھے، ناول نویسی اور افسانہ نگاری میں بھی نام کمایا، براڈ کاسٹر بھی تھے اور ڈرامہ نویس بھی، مزاح نگاری ان کا میدان تھا، بطور شاعر بھی منفرد مقام بنایا جبکہ خاکے بھی تحریر کئے۔ زیر نظر کہانی میں مصنف اپنے دیہاتی سسرال کا تعارف مزاحیہ انداز میں کراتے ہیں ۔ مصنف نے اپنے سسر کی کن دو چیزوں کا خاص طور پر ذکر کیا ہے؟ مصنف کی اپنے سسرال میں کیا اہمیت تھی؟آئیے جاننے کےلیے کہانی پڑھتے ہیں۔